ፍቅር በመጽሐፍ ቅዱስ

Love in the Bible, READ IN PDF
ኃጢአትን  የምትከድን

ጥል ክርክርን ታስነሣለች ፍቅር ግን ኃጢአትን ሁሉ ትከድናለች።  ምሳ ፲፡፲፪።

ሰዎች የጌታ መሆናችን የሚያውቁበት

እርስ በርሳችሁ ፍቅር ቢኖራችሁ፥ ደቀ መዛሙርቴ እንደ ሆናችሁ ሰዎች ሁሉ በዚህ ያውቃሉ። ዮሐ ፲፫፡፴፭

ከእርሱ ማንም ወይም ምንም የማይለየን

ከክርስቶስ ፍቅር ማን ይለየናል? መከራ፥ ወይስ ጭንቀት፥ ወይስ ስደት፥ ወይስ ራብ፥ ወይስ ራቁትነት፥ ወይስ ፍርሃት፥ ወይስ ሰይፍ ነውን?  ሮሜ ፰፡፴፭።

ከፍታም ቢሆን፥ ዝቅታም ቢሆን፥ ልዩ
ፍጥረትም ቢሆን በክርስቶስ ኢየሱስ በጌታችን ካለ ከእግዚአብሔር ፍቅር ሊለየን እንዳይችል ተረድቼአለሁ። ሮሜ ፰፡፴፱፤

የመንፈስ ፍሬ

የመንፈስ ፍሬ ግን ፍቅር፥ ደስታ፥ ሰላም፥ ትዕግሥት፥ ቸርነት፥ በጎነት፥ እምነት፥ የውሃት፥ ራስን መግዛት ነው።  ገላ ፭፡፳፪

ክፉ የማያደርግ የሕግ ፍጻሜ

ፍቅር ለባልንጀራው ክፉ አያደርግም፤ ስለዚህ ፍቅር የሕግ ፍጻሜ ነው። ሮሜ ፲፫፡፲

ከቋንቋ በላይ

በሰዎችና በመላእክት ልሳን ብናገር ፍቅር ግን ከሌለኝ እንደሚጮኽ ናስ ወይም እንደሚንሽዋሽዋ ጸናጽል ሆኜአለሁ። ፩ቆሮ ፲፫፡፩

ከእውቀትና ከእምነት በላይ

ትንቢትም ቢኖረኝ ምሥጢርንም ሁሉና እውቀትን ሁሉ ባውቅ፥ ተራሮችንም እስካፈልስ ድረስ እምነት ሁሉ ቢኖረኝ ፍቅር ግን ከሌለኝ ከንቱ ነኝ። ፩ቆሮ ፲፫፡፪

ከምጽዋትና ከመስዋዕትነት በላይ

ድሆችንም ልመግብ ያለኝን ሁሉ ባካፍል፥ ሥጋዬንም ለእሳት መቃጠል አሳልፌ ብሰጥ ፍቅር ግን ከሌለኝ ምንም አይጠቅመኝም። ፩ቆሮ ፲፫፡፫

ከእምነትና ከተስፋ በላይ

እንዲህም ከሆነ፥ እምነት ተስፋ ፍቅር እነዚህ ሦስቱ ጸንተው ይኖራሉ፤ ከእነዚህም የሚበልጠው ፍቅር ነው። ፩ቆሮ ፲፫፡፲፫።

ስለዚህ፡-

በእናንተ ዘንድ ሁሉ በፍቅር ይሁን።  ፩ቆሮ ፲፮፡፲፬።